Pagdumala sa uma sa guso ug mga lakang para sa bayo-sekuridad: Semilya, mga peste ug sakit-sakit, mga risgo ug pagdumala niini

Gisulat kining brosyur matapos ang upat ka tuig nga panukiduki sa ‘GlobalSeaweedSTAR Philippine Team’ sa industriya sa guso sa Pilipinas gamit ang simple nga sinultian nga daling masabtan sa mga layko. Kini magahatag ug higayon sa lain-laing mga hingtungdan sa industriya sa guso aron masabtan ug mapatuman ang mga lakang sa pagpanguma sa guso sa puntong biyolohikal, ekolohikal ug pisyolohikal ug sa aquakultura; ug sa punto sa pagtuki sa mga 'social network' a industriya sa guso, lakip ang mga risgo ug mga estratehiya sa pagdumala sa mga risgo sa pagpanguma sa guso. Kining brosyur nagalakip usab ug mga rekomendasyon alang sa paghimo sa mga balaod ilabi na sa mga lakang sa bayo-sekuridad aron mapunggan, malikayan o maminusan ang mga insidente sa pagdagsang sa sakit, maminusan ang mga risgo o peligro sa produksyon ug pagpamaligya, ug sa pagmugna ug mga estratehiya sa pagdumala sa mga risgo o peligro nga giatubang sa industriya. Kining mga palisiya nga ipatuman nga naka-base sa kahibalo sa syensya makatabang aron makab-ot ang mas malig-on, dili makadaot sa kinaiyahan ug malungtaron nga industriya sa guso sa Pilipinas.