Adimena, Balioak, Ikerketaren Filosofia*

Evans: Alda dezagun momentuz gaia. Estatu Batuetan eztabaida interesgarria dago Kaliforniako Unibertsitateko Arthur Jensen doktorearen txosten bati buruz (1969). Txosten hori Harvard Educational Review izeneko aldizkarian argitaratu da. Jensen doktoreak Estatu Batuetan Programme Headstart1 esaten dioguna kontuan hartzen du eta uste du horren porrota ez dagoela agian ingurune desfaboretuetan hazitako haurren ingurunea behar bezala zabaltzeko irakasleek duten ezintasunean. Haren ustez benetako arazoa haur beltzen genetika mailako gutxiegitasun posibleetan datza. Haren irudiko, nahiz adimen mota batean —adimen konkretuan gehienbat— beharbada ezberdintasunik ez izan, balegoke adimen abstraktu mota bat okerrago garatua izango litzatekeena haur beltzeengan, arrazoi genetikoak medio. Zer uste duzu?