Инклузивноста - индикатор за квалитетно образование

Една од димензиите на квалитетно образование која подразбира вклучување на сите деца во образовниот систем, еднакво учество на сите деца во предвидените активности, надминување на стереотипите од наставните програми, материјали,.. е димензијата – инклузивност. Нејзината успешна имплементација во голема мера зависи од квалитетот на работа на еден од клучните субјекти во образованието, учителот (наставникот, воспитувачот). Во трудот се говори за подготвеноста на учителите (наставници, воспитувачите) за имплементирање на инклузивното образование, нивната подготвеност за подржување на различните потреби на сите деца, нивниот капацитет за реализирање на т.н. инклузивна пракса. Презентирани се резултати од реализирано квалитативно истражување чија цел беше стекнување на сознанија за оспособеноста на наставниците, воспитувачите за имплементација на инклузивната пракса како и предлози, сугестии за понатамошни акции на ова поле. Се примени методот на теоретска анализа насочен кон анализа на студиските програми како и дескриптивно аналитичкиот, дескриптивно-експликативниот метод. Од техниките за собирање на податоци користена е техниката интервјуирање со нејзиниот инструмент протокол за слободно интервју. Резултатите, сугестиите и предлозите кои ни ги упатија наставниците, воспитувачите упатуваат на потребата од понатамошна работа со цел постигнување на успешни резултати на полето на инклузивното образование.